Is desh ke malik janta hai na ki koi neta.....................

Aaj janta ne netaon ko ye ehsas dila hi diya ki jise wo apne liye chun sakte hain to galat hone par unka virodh bhi kar sakte hain. Neta hamesha bhul jate hain ki wo bhagwan nhi hain wo ek mamuli se insaan hain jinka saath janta de kar unhe sansad mein bhej bhi sakti hai aur yehi janta tumhe jhukha bhi sakti hai.

Anna hazare hamein ek aisi disha ki taraf mod diya hai jahan shayad ye desh bharashtachar se mukt ho jaye . Is ke liye saara desh anna hazare ke saath hai. Kyunki janta janti hai ki jo kadam anna hazare ne uthaya hai wo sahi hai.

Anna hazare ne janta ko ek nayi awaaz aur raah dikhayi hai ki ahinsa se bade se bade yodha ko jeeta ja sakta hai. Maante hain ki bharashtachaar puri duniya mein hain lekin phir bhi hamare desh mein sahi kaam karne ke liye bhi paise dene padte hain.

Higher education ke liye paise, naukri ke liye paise agar aisa hi chalta rahega to wo din dur nhi jb saans lene ke liye bhi paise dene padenge.

Hamare neta hi sab se zyada bharasht hain agar nhi hote to ek lokpal bill pass karne aur anna ji ka anshan tudwane mein itna waqt nhi lagta.

Meri aap sab se yehi guzaarish hai ki aap bhi anna ka support karein aur na rishwat lein aur na dein